राजनीति
कांग्रेसले बहिष्कार गरेपछि गण्डकी प्रदेशसभा बैठक स्थगित
काठमाडौं । गण्डकी प्रदेशसभा बैठक स्थगित भएको छ । प्रमुख प्रतिपक्ष दल नेपाली कांग्रेसले बहिष्कार गरेपछि सभामुखले बैठक स्थगित गरेका हुन् ।
आज बैठकको सुरुमा सभामुख कृष्णप्रसाद धितालले अधिवेशन सुरु भएको जानकारी गराएका थिए । त्यसपछि उनले बैठक बहिष्कार गरेका प्रतिपक्ष दलका सांसदहरूलाई बैठक कक्षमा आउन आग्रह गरेका थिए ।
"प्रतिपक्षको आसन खाली रहेको देखिएकाले प्रतिपक्ष दलका माननीय सदस्यहरू सभाहलमा प्रवेश गरेर आआफ्नो स्थानमा गर्नका लागि अनुरोध गर्दछु," उनले प्रतिपक्ष दलका सांसदहरूलाई आग्रह गरेका थिए ।
सभामुखले तीनपटक प्रतिपक्ष दलका सांसदहरूलाई सभाहलमा आउन आग्रह गरेका थिए । तर, उनीहरू नआएपछि सभामुखले अर्को सूचना जारी नभएसम्मका लागि बैठक स्थगित गरिएको घोषणा गरे ।
प्रकाशित मिति: शुक्रबार, वैशाख ७, २०८१ १६:५०
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
विचार
अन्तर्वार्ता
-1749010126.jpg)
ब्लग
लोकप्रिय
