तनावपूर्ण खेलमा भुटानविरुद्ध भारतको कठिन जित

खेल

तनावपूर्ण खेलमा भुटानविरुद्ध भारतको कठिन जित

सोमबार, भदौ ३, २०८१

तनावपूर्ण खेलमा भुटानविरुद्ध भारतको कठिन जित

काठमाडौं । साफ यू–२० च्याम्पियनसिपमा भारतले भुटानविरुद्ध १–० को कठिन जित निकालेको छ ।

सोमबार सातदोबाटोस्थित एन्फा मुख्यालयमा सम्पन्न तनावपूर्ण खेलमा भारतलाई जित दिलाउन मोनरुल मोल्लले गोल गरे । मोल्लले खेलको ३७औँ मिनेटमा गोल गर्दै भारतलाई अग्रतामा राखेका थिए ।

तनावपूर्ण खेलमा भारतका दुई र भुटानका एक खेलाडीले रातो कार्डको दर्शन गर्दै मैदान छोडेका थिए । ६५औँ मिनेटमा भारतले पाएको फ्रिकिका क्रममा धक्कामुक्की सुरु भएपछि रेफ्रीले भारतका प्रम्भिर भानलालपेका गुई र केल्भिनसिंह टाओमिरलाई रातो कार्ड दिएका थिए । यस्तै, भुटानका किन्ले ग्याल्सेनले रातो कार्डको दर्शक गरे ।

आइतबारदेखि सुरु भएको प्रतियोगितामा दक्षिण एसियाका ६ टिमको सहभागिता छ । यसअघि प्रतियोगिताको पहिलो खेलमा नेपालले श्रीलंकाविरुद्ध १–० को जित निकालेको थियो ।