साहित्य
कविता
सडकमान्छेको गीत
श्याम लम्साल
कहीँ आफ्ना भएका भए
एउटा साथी हुन्थ्यो बोल्ने,
यो धरामा
कहीँ आफ्ना भएका भए
गाँस माग्न हुन्थ्यो खाने,
बास माग्न हुन्थ्यो बस्ने
कोही न कोही आफ्ना भएका भए
बिसाउन हुन्थ्यो मनका वह,
दुःखका भारी
कोही न कोही केही न केही
आफ्ना भइदिएका भए
मन बुझाउने ठाउँ हुन्थ्यो,
कोही छ मेरो पनि भन्ने
कोही न कोही केही न केही
आफ्नो नभइदिएका बेला
राज्य आफ्नो भइदिएको भए
अभिभावकत्वको ओत लाग्ने आश्रय हुन्थ्यो ।
(दिंगला, भोजपुर)
प्रकाशित मिति: शनिबार, कात्तिक २४, २०८१ ०६:४२
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
विचार
अन्तर्वार्ता
-1749010126.jpg)
ब्लग
लोकप्रिय
