काठमाडौं । काठमाडौं उपत्यकामा वर्षा भइरहेको छ । पछिल्लो तीन घण्टामा काठमाडौं उपत्यकाको बूढानीलकण्ठ र आसपास मध्यम वर्षा मापन गरिएको जल तथा मौसम विज्ञान विभागले जनाएको छ ।
विभागका अनुसार, विष्णुमती नदीमा जलसतह बढ्दो क्रममा छ । नदी तटीय क्षेत्रहरूमा रहनेहरू तथा नदी किनारको सडकबाट यात्रा गर्नेहरूले आवश्यक सतर्कता अपनाउन विभागले अनुरोध गरेको छ ।
"पछिल्लो तीन घण्टामा काठमाडौंको बूढानीलकण्ठ वर्षामापन केन्द्र र आसपास मध्यम वर्षामापन भएको छ । विष्णुमती नदीमा जलसतह बढ्दो क्रममा रहेकाले नदी तटीय क्षेत्रहरूमा रहनेहरू तथा नदी किनारको सडकबाट यात्रा गर्नेहरूले आवश्यक सतर्कता अपनाइराखौँ," विभागले असार ६ (शुक्रबार बेलुका ६ः०५ बजे) सूचना जारी गर्दै भनेको छ ।
त्यस्तै, काठमाडौं उपत्यकाको धोवीखोला कपन जलमापन केन्द्रमा जलसतह सतर्कता तहनजिक र बढ्दो क्रममा रहेको विभागले जनाएको छ ।
-1749010126.jpg)
