काठमाडौं । साउन १ गतेदेखि स्वास्थ्य बिमाबाट उपचार गर्दा रिफर लिन नपर्ने भएको छ । स्वास्थ्य बिमा बोर्डले सामुदायिक तथा निजी सबै स्वास्थ्य संस्थाहरूलाई परिपत्र गर्दै रिफरको व्यवस्था हटाइएको जानकारी दिएको हो ।  

स्वास्थ्य बिमा ऐन, २०७४ (दोस्रो संशोधन) को दफा ९ को उपदफा (६) तथा नियमावली, २०७५ को (प्रथम संशोधन) को नियम २ को खण्ड (५) ले प्रथम सेवा विन्दु सरकारी स्वास्थ्य संस्था मात्र रहने व्यवस्था गरेको थियो ।

बोर्डका अनुसार, प्रथम सेवा विन्दुको रूपमा नराख्ने निर्णय भएकाले २०८२ साउन १ गतेबाट रिफरको सिस्टम हटाइएको छ ।  

बोर्डले सबै स्वास्थ्य संस्थालाई गरेको परिपत्रमा भनिएको छ, "उपरोक्त सम्बन्धमा स्वास्थ्य बिमा ऐन, २०७४ (दोस्रो संशोधन) को दफा ९ को उपदफा (५) तथा नियमावली, २०७५ को (प्रथम संशोधन) को नियम २ को खण्ड (५) ले प्रथम सेवा विन्दु सरकारी स्वास्थ्य संस्था मात्र रहने व्यवस्था गरेकाले मिति २०८२ साउन १ गतेबाट उक्त संस्था प्रथम सेवा विन्दुको रूपमा नरहने व्यहोरा निर्णयानुसार (कार्यकारी निर्देशकस्तर) अनुरोध छ ।"