साहित्य
कविता
ऐना
दीपकराज सापकोटा
कुन क्षणमा लाग्यो होला मुख हेर्ने रहर
सुन्दरताको कुरा हो कि आफू चिन्ने रहर
कस्तो थियो प्रतिक्रिया आफैँलाई देख्दा
आफू चिन्न सकेँ कि नाइँ, पहिलोपटक भेट्दा ?
जमेको त्यो पानीमाथि उत्रिएको छाया
हेरूँ हेरूँ कति लाग्ने मोहनी त्यो माया
सधैँ हेर्न पाए अहा, कति राम्रो होला
तरलबाहेक कुन तत्त्वमा आकृति यो खुल्ला ?
कति भयो खोजतलास कस्तो भयो प्राप्ति
दुःखकष्ट कति भयो अनि कति सास्ती
भेटेका दिन कति खुसी कति हेर्यौ मुहार
त्यत्रो ठूलो उपलब्धि पक्कै बन्यो जुहार ।
कसलाई दियौ उपहार को भो भाग्यमानी
बाँड्यौ या बेच्यौ तिमीले मान्छे छानीछानी
सर्वाधिकार नबनाउँदा कति कति मालिक
आविष्कार गर्नेको खै कता छ त सालिक ?
प्रकाशित मिति: शनिबार, साउन २४, २०८२ १२:३०
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
-1755141679.jpg)
विचार
अन्तर्वार्ता
ब्लग
लोकप्रिय
