अर्थ व्यवसाय
एभरेष्ट बैंकको नाफा ५१ करोड ३४ लाख
काठमाडौं । चालु आर्थिक वर्षको पहिलो त्रैमाशमा एभरेष्ट बैंक लिमिटेडले नाफा बढाउन सफल भएको छ ।
चालु आवको असोजसम्म बैंकले ५१ करोड ३४ लाख रुपैयाँ नाफा गरेको छ । गत आवको सोही अवधिमा बैंकको नाफा ३६ करोड ३७ लाख रुपैयाँ थियो । गत वर्षको सोही अवधिको तुलनामा बैंकको नाफा १५ करोड रुपैयाँ बढेको छ । गत आवमा बैंकले कुल १ अर्ब ७३ करोड रुपैयाँ नाफा कमाएको थियो । बैंकले सोमबार सार्वजनिक गरेको चालु आवको पहिलो त्रैमाशको वित्तीय विवरण अनुसार नाफा, निक्षेप परिचालन र कर्जा लगानी बढेको छ । यस्तै खराव कर्जाको अनुपात ज्यादै न्युन हुनुका साथै प्रतिसेयर आम्दानी पनि बढेको छ ।
गत असोजसम्म बैंकले ८९ अर्ब १५ करोड रुपैयाँ निक्षेप परिचालन गरेको छ । गत आवको सोही अवधिमा बैंकले ७६ अर्ब रुपैयाँ निक्षेप परिचालन गरेको थियो । यस्तै बैंकले ६९ अर्ब ५३ करोड रुपैयाँ कर्जा लगानी गरेको छ । गत आवको सोही अवधिमा बैंकले ५१ अर्ब ३२ करोड रुपैयाँ कर्जा लगानी गरेको थियो । समीक्षा अवधिमा बैंकको चुक्तापुँजी २ अर्ब ७४ करोड रुपैयाँ छ । आउदो असारसम्म बैंकले चुक्तापुँजी बढाएर ८ अर्ब रुपैयाँ पु¥याउनु पर्ने छ ।
समीक्षा अवधिमा बैंकको खराव कर्जा अनुपात ०.३ प्रतिशत छ । बैंकको प्रतिसेयर आम्दानी ७७ रुपैयाँ बढी छ । बैंक भारतको पञ्जाव नेश्नल बैंकको साझेदारीमा स्थापना भएको हो ।
प्रकाशित मिति: सोमबार, कात्तिक २९, २०७३ ०९:१९
प्रतिक्रिया दिनुहोस्
सम्बन्धित समाचार
सिफारिस
प्रवास
सम्पादकीय
कार्टुन
भिडियो
विचार
अन्तर्वार्ता
-1749010126.jpg)
ब्लग
लोकप्रिय
