अपराध गर्न प्रविधि भित्राइएको महानिरीक्षक अर्यालको दाबी

देश

अपराध गर्न प्रविधि भित्राइएको महानिरीक्षक अर्यालको दाबी

reporter बुधबार, मंसिर १, २०७३

काठमाडौं । प्रहरी महानिरीक्षक उपेन्द्रकान्त अर्यालले सामाजिक संजालले समाजमा विभिन्न खालको अपराध बढाएको बताएका छन् ।

११ औं महानगरीय प्रहरी दिवशको अवसरमा बुधबार बिहान महानगरीय आयुक्तको कार्यालयले आयोजना गरेको कार्यक्रममा प्रहरी महानिरीक्षक अर्यालले पछिल्लो समय नयाँ प्रविधी र सामाजिक सञ्जालका माध्यामबाट अपराधिक घटना बढेको भन्दै त्यसमा सचेत हुनु पर्ने बताए ।

“विश्वमा सामाजिक सञ्जालको प्रयोग बढ्दोछ,” त्यसको प्रभाव नेपालमा पनि राम्रोसँग गरेको छ,” महानिरीक्षक अर्यालले भने, “तर नेपालमा त्यसको गलत प्रयोग हुने गरेको छ ।”

“कुनै राम्रो कुरालाई कसैले ध्यान दिदैन, नराम्रा कुरालाई भाइरल बनाइन्छ, त्यसबाट धेरै पीडित हुनु परेको छ ।”

साइबर अपराध रोकथाम गर्न धेरै प्रयास गरेको भन्दै अर्यालले सोँचेजस्तो उपलब्धी हुन सकेको बताए ।

अपराध गर्ने उद्देश्यले अपराधीले प्रविधी भित्रायाएको पनि अर्यालको दाबी छ । “अपराध गर्ने लक्ष्य राखेर अराधीहरुले विभिन्न प्रविधी भित्रायाएको भेटियो,” महानिरीक्षक अर्यालले भने, “प्रहरीलाई चुनौती दिने खालका प्रविधी भित्रायाएर अपराध गर्ने प्रवृती बढेको छ ।”

कार्यक्रममा महानगरीय अपराध महाशाखामा रहेर अपराध अनुसन्धान गरेको भन्दै एसएसपी सर्वेन्द्र खनाललाई सम्मान गरिएका थियो । खनालले महाशाखामा रहेर अपराध अनुसन्धानमा महत्वपूर्ण भूमिका खेलेको भन्दै उनलाई सम्मान गरिएको हो ।

त्यसैगरी काठमाडौं प्रहरी प्रमुख एसएसपी बिक्रमसिँह थापालाई पनि सम्मान गरिएको छ । ब्यवस्थित तरिकाले काठमाडौंको शान्ति सुरक्षा कायम राखेको भन्दै उनलाई सम्मान गरिएको हो ।