टिपर र मोटरसाइकल जुध्दा एकजनाको मृत्यु

देश

टिपर र मोटरसाइकल जुध्दा एकजनाको मृत्यु

मंगलबार, असार १२, २०८०

टिपर र मोटरसाइकल जुध्दा एकजनाको मृत्यु — प्रतीकात्मक तस्बिर ।

महेन्द्रनगर । कञ्चनपुरको पुनर्वास नगरपालिकामा आज बिहान टिपर र मोटरसाइकल एकापसमा जुध्दा मोटरसाइकल चालकको मृत्यु भएको छ ।

पुनर्वास नगरपालिका–५, सिमरीमा धनगढीतर्फ गइरहेको सुप प्र ०१–००१ क २२०० नम्बरको टिपरसँग विपरीत दिशाबाट आइरहेको से४प २२७१ नम्बरको मोटरसाइकल जुधेको थियो ।

दुर्घटनामा गम्भीर घाइते भएका स्थानीय ६२ वर्षीय मोतिलाल रानाको उपचारका क्रममा धनगढीस्थित माया मेट्रो अस्पतालमा मृत्यु भएको प्रहरी नायब उपरीक्षक प्रकाश डाँगीले जानकारी दिए ।

टिपर चालकलाई नियन्त्रणमा लिएर थप अनुसन्धान भइरहेको प्रहरीले जनाएको छ । रानाको शव परीक्षणका लागि सेती प्रादेशिक अस्पतालमा राखिएको प्रहरीले जानकारी दिएको छ । रासस