अर्थ व्यवसाय
वाणिज्य बैंकले दैनिक २० किलो सुन आयात गर्न पाउने, सर्कुलर जारी हुँदै
काठमाडौं । नेपाल राष्ट्र बैंकले दैनिक सुन आयातको कोटा वृद्धि गरेको छ । राष्ट्र बैंकले दैनिक २० किलो सुन आयात गर्न पाउने व्यवस्था गरेको हो । राष्ट्र बैंक स्रोतका अनुसार आज वा भोलि यसबारे सर्कुलर जारी हुनेछ ।
यसअघि वाणिज्य बैंकहरूले दैनिक १० किलो सुन आयात गर्न पाउने व्यवस्था थियो । “उद्योग, वाणिज्य तथा आपूर्ति मन्त्रालयले सुन आयातको कोटा बढाउन पत्र लेखेको थियो,” स्रोतले भन्यो, “सोही अनुसार कोटा बढाउने निर्णय भएको छ । अब सर्कुलरमार्फत जानकारी दिइनेछ ।”
वाणिज्य बैंकहरूले दैनिक २० किलो सुन आयात गर्दै आएकोमा राष्ट्र बैंकले २०७८ फागुन २२ गते परिपत्र जारी गर्दै दैनिक कोटा १० किलोमा झारेको थियो । त्यसयता वाणिज्य बैंकहरूले दैनिक १० किलो सुन आयात गरिरहेका थिए ।
व्यवसायीहरूले नेपाली बजारमा दैनिक ३० देखि ४० केजीसम्म सुनको माग भएको दाबी गर्दै आएका छन् ।
प्रकाशित मिति: शुक्रबार, असोज ५, २०८० १३:१६
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
विचार
अन्तर्वार्ता
-1749010126.jpg)
ब्लग
लोकप्रिय
