काठमाडौं । संयुक्त राष्ट्रसंघका महासचिव एन्टोनियो गुटेरेसले भारत र पाकिस्तानलाई अधिकतम संयम अपनाउन अपिल गरेका छन् । उनले भने, "सैन्य समाधान कुनै समाधान होइन ।"

उनले एक विज्ञप्तिमा भनेका छन्, "भारत र पाकिस्तानबीचको तनाव चरम सीमामा छ । म दुवै देशका सरकार र नागरिकहरूको सम्मान गर्छु र संयुक्त राष्ट्र शान्ति अभियानमा दुवैको योगदानको लागि कृतज्ञ छु । यस्तो अवस्थामा, दुवै देशको आपसी सम्बन्ध यति खतरनाक विन्दुमा पुगेको देख्दा मलाई पीडा हुन्छ ।"

पहलगाममा पर्यटकहरूमाथि भएको आक्रमणको कडा शब्दमा निन्दा गरेका छन् । "म फेरि एकपटक पहलगाममा पर्यटकहरूमाथि भएको आक्रमणको कडा शब्दमा निन्दा गर्छु र शोकसन्तप्त परिवारहरूप्रति समवेदना प्रकट गर्दछु । सर्वसाधारणलाई लक्षित गर्नु अस्वीकार्य छ र जिम्मेवारहरूलाई न्यायको कठघरामा ल्याउनुपर्छ," उनले भनेका छन् ।

उनले भने, "यस कठिन समयमा, द्वन्द्व चाँडै नियन्त्रण बाहिर जान सक्छ । यो अधिकतम संयम अपनाउने समय हो । यो दुवै देशलाई मेरो सन्देश हो, कृपया कुनै गल्ती नगर्नुहोस्, सैन्य समाधान कुनै समाधान होइन ।" बीबीसी