विशेष
एएफसी सोलिडारिटी कप
नेपाललाई एक गोलको अग्रता (लाइभ भिडियोसहित), एएफसी सोलिडारिटी कप
काठमाडौं । एएफसी सोलिडारिटी कप फुटबलअन्तर्गत समूह चरणको अन्तिम खेलमा नेपालले अहिले ब्रुनाइको सामना गरिरहेको छ ।
समूह चरणको पहिलो खेलमा टिमोर लिस्टेविरुद्ध बराबरी खेलेको नेपाल सेमिफाइनलमा पुग्ने लक्ष्यका साथ मैदान ओर्लिदैछ । नेपाल र ब्रुनाईबीचको खेल मलेसियाको कुचिङस्थित सारावाक रंगशालामा सुरु भएको हो ।
सोलिडारिटी कपको उपाधि जित्ने लक्ष्यका साथ मलेसिया पुगेको नेपाललाई ब्रुनाईसँगको समूहको दोस्रो खेलमा त्यति धेरै दबाब भने छैन । नेपाल ब्रुनाईसँग बराबरी वा तीन गोलको अन्तरमा पराजित भए पनि सेमिफाइनलमा पुग्नेछ । किनकि पहिलो खेलमा ब्रुनाइले टिमोर लिस्टेलाई ४–० ले पराजित गरेको फाइदा नेपाललाई हुनेछ ।
तर, नेपाल ब्रुनाईमाथी जित निकाल्दै समूह बिजेताको रुपमा सेमिफाइनलमा पुग्न चाहन्छ । यदि ब्रुनाईसँग कम गोल अन्तरमा पराजित भए नेपाल उपविजेता बन्नेछ । नेपालले पहिलो खेलमा टिमोर लिस्टेसँग गोलरहित बराबरी खेलेको थियो ।
आजको खेलमा नेपाल ब्रुनाईसँग २००६ मा बेहोरेको हारको बदला लिने तयारीमा हुनेछ । नेपाल र ब्रुनाई यसअघि एएफसी च्यालेन्ज कप २००६ अन्तर्गत समूह चरणमा एक खेल खेलेका थिए । उक्त खेलमा ब्रुनाइले नेपाललाई २–१ ले पराजित गरेको थियो ।
प्रकाशित मिति: मंगलबार, कात्तिक २३, २०७३ १७:१७
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
विचार
अन्तर्वार्ता
-1749010126.jpg)
ब्लग
लोकप्रिय
