काठमाडौं । प्रतिनिधिसभाको आजको बैठक अझै सुरु भएको छैन । बिहान ११ बजेका लागि बैठक बोलाइएको थियो । तर, मध्याह्न १२ बज्दा समेत बैठक सुरु हुन सकेको छैन ।
आजै प्रतिनिधिसभाअन्तर्गतको कार्यव्यवस्था परामर्श समितिको बैठक बसेको थियो । एक सांसद भएका दल र स्वतन्त्रमध्ये कसले प्रश्न सोध्ने भन्नेबारे समिति बैठकमा तय हुन नसकेको एक सदस्यले बाह्रखरीलाई जानकारी दिए ।
उक्त बैठक सुरु हुनुअघि सभामुख देवराज घिमिरेसँग नेमकिपाका सांसद प्रेम सुवाल र स्वतन्त्र सांसद अमरेशकुमार सिंहले आफूहरूले प्रधानमन्त्रीलाई प्रश्न सोध्न पाउनुपर्ने दाबी प्रस्तुत गरेका थिए ।
उनीहरूले प्रश्न सोध्न नपाए सदनमै विरोध गर्ने बताएपछि सभामुखले उनीहरूसँग छलफल गरिरहेका छन् । सोही कारण बैठक बस्न ढिलाइ भएको समितिका ती सदस्यले जानकारी दिए ।
आजको बैठकमा प्रधानमन्त्री पुष्पकमल दाहाल ‘प्रचण्ड’सँग प्रश्नोत्तरको कार्यसूची छ ।
-1749637751.jpg)
-1735822282.jpg)
-1749010126.jpg)
