काठमाडौ । पोखराको आर्चलबोट चोकमा सीजी मोटर्सको (नेटा ) को शोरुम सञ्चालनमा आएको छ । नेपालका लागि चिनियाँ राजदूत चेन सङले शोरुमको उद्घाटन गरेका हुन् ।

उद्घाटनको अवसरमा नेपालका लागि राजदूत चेन सङले नेपाल तथा चीनको अटुट मैत्री सम्बन्धमा जोड दिँदै सीजी मोटर्सलाई सफलताको शुभकामना दिएका छन् । उद्घाटन समारोहमा सीजी मोटर्सका प्रमुख कार्यकारी अधिकृत हेमन्त अग्रवाललगायतको उपस्थिति रहेको थियो ।

सीजी मोटर्सका प्रमुख कार्यकारी अधिकृत अग्रवालले अब पोखराबासीले समेत सहज रुपमा नेटा भी विद्युतीय गाडी (ईभी) को अनुभव गरी खरिद गर्न सक्ने बताए ।

कार्यक्रममा राजदूत सङले  पोखराका लागि पहिलो ईभी ट्याक्सी साथै, पहिलो विद्युतीय माईक्रो बससमेत हस्तान्तरण गरेका थिए ।

पियोर ईभी प्लाटफर्ममा बनेको नेटा भीले फुल चार्जमा ३८० किमिको दूरी पार गर्न सक्ने सीजी मोटर्सले बाताएको छ । १७० एम एम ग्राउन्ड क्लियरेन्स रहेको नेटा भी नेपालको बाटोका लागि पनि उपयुक्त रहेको कुरा सीजी मोटर्सले जनाएको छ ।

यो किसिमको ग्राउन्ड क्लियरेन्स तथा यसको डिजाइनले नेटा भीलाई एयरोडाइनामिक्स दिन्छ, जसले यसको गति र सन्तुलन कायम राख्छ । साथै, नेटा भी गाडि भित्र प्रदुषणरहित बनाउन एन९५ हेपा फिल्टरको प्रयोग भएको छ, जसले बाहिरको प्रदुषणका साथै भित्र गाडीको हावाको पनि प्रदुषण फिल्टर गर्ने गर्छ । नेटा भीमा विश्वको ठुलो ब्याट्री निर्माण कम्पनी सीएटीएल ब्याट्रीको प्रयोग भएको छ ।

सीजी मोटर्सले नेटा भीका साथै ईभी माइक्रोबस केवाइसी तथा किङलङका मोडलहरु समेत बिक्री गर्दै आएको छ ।