सुन तस्करी प्रकरण : यस्तो छ आयोगको कार्यादेश

राजनीति

सुन तस्करी प्रकरण : यस्तो छ आयोगको कार्यादेश

आइतबार, असोज १४, २०८०

सुन तस्करी प्रकरण : यस्तो छ आयोगको कार्यादेश — फाइल तस्बिर ।

काठमाडौं । राष्ट्रिय मान्यताप्राप्त दलहरूबीच सुन तस्करी प्रकरणका लागि गठन गर्ने आयोगको कार्यादेशबारे सहमति भएको छ ।

आइतबार बिहान बालुवाटारमा बसेको बैठकले तीन वटा कार्यादेश तय गरेको हो । आयोगमा तीन सदस्य रहने र तीन महिनाको कार्यावधि रहने सहमति पनि भएको छ ।

नेपाली कांग्रेसका प्रमुख सचेतक रमेश लेखकका अनुसार पटक–पटक भएको सुन तस्करीलाई नियन्त्रण गर्नका निमित्त मौजुदा कानुनमा परिमार्जन गर्न भने परिमार्जन गर्ने गरी कार्यादेश दिइएको छ ।

त्यस्तै, संरचनागत कमीकमजोरी छन् भने सुधार गर्ने आयोगको दोस्रो कार्यादेश छ ।

सुन तस्करीका विषयमा सरकारका विभिन्न निकायले अहिलेसम्म गरेको छानबिन अनुसन्धानको अध्ययन गरेर थप छानबिन गर्न आवश्यक वा थप गर्नुपर्ने देखिएमा थप अनुसन्धान र कारबाहीका लागि सिफारिस गर्नेगरी कार्यादेशमा सहमति गरिएको लेखकले बताए ।