काठमाडौं । भारतीय प्रधानमन्त्री नरेन्द्र मोदीले विवाह गर्न विदेश जाने चलन चिन्ताजनक रहेको बताएका छन् । उनले देशको पैसा स्वदेशमै रहोस् भनेर आफ्नै मुलुकमा विवाह उत्सव मनाउन आग्रह गरे ।
आइतबार रेडियोबाट प्रशारित कार्यक्रम ‘मनको कुरा’मा मोदीले विवाहको किनमेल गर्दा मानिसले आफ्नै देशभित्र उत्पादित सामग्रीलाई महत्त्व दिनुपर्ने बताएको बीबीसी हिन्दीले उल्लेख गरेको छ ।
उनले भने, “विवाहको सिजन सुरु भएको छ, यो विवाहको सिजनमा करिब पाँच लाख करोड रुपैयाँ (भारु)को व्यापार हुन सक्ने केही व्यवसायी संगठनको अनुमान छ । विवाहमा किनमेल गर्दा तपाईं सबैले भारतमा बनाइएका उत्पादनलाई महत्त्व दिनुपर्छ ।”
उनले थपे, “जब बिहेको कुरा आउँछ, मलाई एउटा कुरोले लामो समयदेखि सताएको थियो । सोच्नुहोस्, आजकल कतिपय परिवार विदेश गएर बिहे गर्दै छन् र यसको नयाँ माहोल बनाइँदै छ, के यो आवश्यक छ ?”
-1749010126.jpg)
