साहित्य
सन्देश
थोरै रिसहरू पोखेको थिएँ
मेटिदिएँ
थोरै गुनासाहरू राखेको थिएँ
मेटिदिएँ
थोरै थकानहरू बिसाएको थिएँ
मेटिदिएँ
थोरै दुःखहरू बताएको थिएँ
मेटिदिएँ
थोरै शंकाहरू पनि खोलेको थिएँ
मेटिदिएँ
र, अन्तमा
‘ठिक छु,
खुसी छु’
लेखी पठाएँ
यसरी केके मेटिए भनेर
तिमीले अब
कहिले बुझ्न पाउने छैनौ मेरी ज्यान !
तसर्थ,
तिमीकहाँ इनबक्समा आइपुगेको
जो म्यासेज हो,
मेरो असली सन्देशबाहेक
सबै हो ।
(खोटाङ)
प्रकाशित मिति: शनिबार, असार ८, २०८१ ०६:११
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
विचार
अन्तर्वार्ता
-1749010126.jpg)
ब्लग
लोकप्रिय
