प्रचण्डले एमालेलाई सत्तामा जान नदिन पहल गरिरहेको ओलीको आरोप

राजनीति

प्रचण्डले एमालेलाई सत्तामा जान नदिन पहल गरिरहेको ओलीको आरोप

बुधबार, असार २६, २०८१

प्रचण्डले एमालेलाई सत्तामा जान नदिन पहल गरिरहेको ओलीको आरोप

काठमाडौं । नेकपा एमालेका अध्यक्ष केपी शर्मा ओलीले एमालेलाई सत्तामा जानबाट रोक्न प्रधानमन्त्री पुष्पकमल दाहाल ‘प्रचण्ड’ले पहल गरिरहेको बताएका छन् ।

पार्टी कार्यालय च्यासलमा बुधबार बसेको पार्टीको सचिवालय बैठकलाई सम्बोधन गर्दै ओलीले प्रचण्ड नेतृत्वको सरकार अल्पमतमा पर्दा पनि राजीनामा नदिएर एमालेलाई सत्तामा जानबाट रोक्न पहल भइरहेको बताए ।

उनले प्रचण्डको दोहोरो भूमिका र एमालेलाई कमजोर पार्नेगरी भएका कामका कारण अहिलेको परिस्थिति पैदा भएको जिकिर गरे । भ्रष्टाचार, अस्थिरतालगायत स्वार्थप्रेरित काम देखिएको उनको आरोप छ ।

ओलीले अब बन्ने सरकार देशको आर्थिक विकासका साथै अन्य समस्याको समाधानमा ध्यान केन्द्रित गर्ने दाबी गरे ।