काठमाडौं । नेपालका लागि लिपमोटर गाडीको आधिकारिक एकमात्र आयातकर्ता सांग्रिला मोटर्सले नयाँ लिपमोटर टी०३ को डेलिभरी चैत २० गतेबाट गर्ने भएको छ ।

अत्यधिक मात्रामा बुकिङ प्राप्त गरेसँगै लिपमोटर टी०३ मुलुकको विद्युतीय गतिशीलताको भविष्यलाई अघि बढाउँदै नेपाली सडकहरूमा प्रवेश गर्न तयार छ । स्मार्ट प्रविधि, प्रभावशाली रेन्ज र उचित मूल्यका साथ टी०३ सहरी इभी ड्राइभिङलाई नयाँ परिभाषा दिनेछ ।

२८ लाख ९९ हजारदेखि सुरु हुने लिपमोटर टी०३ मा ३७.३ किलोवाट आवर ब्याट्री रहेको छ, जसको डब्ल्युएलटीपी रेन्ज अर्बन साइकलमा ३९५ किमि रहेको छ । 

यसमा लेभल २ एडभान्स्ड लिप पाइलट ड्राइभर एक्टिभ सेफ्टी असिस्टेन्स प्रणाली पनि समावेश गरिएको छ, जसले स्मार्ट र सुरक्षित ड्राइभिङ अनुभव प्रदान गर्दछ ।

“यही आइतबारबाट पहिलो चरणको डेलिभरी सुरु भइसकेको छ र हामी हाम्रा ग्राहकहरूलाई लिपमोटर टी०३ प्रदान गर्न उत्साहित छौँ । यो इभी कम्प्याक्ट तर फिचरले भरिएको छ,” सांग्रिला मोटर्सका प्रबन्ध निर्देशक हेमन्त गोल्छाले भने ।

सांग्रिला मोटर्स गोल्छा अर्गनाइजेसनको सदस्य हो जुन २०१७ देखि प्युजोको एकमात्र आधिकारिक आयातकर्ता र २०२१ देखि सिट्रोएनको आधिकारिक आयातकर्ता रहेको छ ।