काठमाडौं । सुजल फुड्स प्रालिले नयाँ वाफी वेफर्स प्याक सार्वजनिक गरेको छ । वाफी प्याक अब ठूलो, अझ स्वादिलो र क्रन्जी बनेर बजारमा उपलब्ध भएको कम्पनीले जनाएको छ ।

क्रिमी स्वाद, क्रिस्पी लेयर र रमाइलो अनुभवको सन्तुलनसहितको वाफी अब दुई सबैभन्दा रुचाइएका स्वाद स्ट्रबेरी र चकलेटमा उपलब्ध छ ।

१२० ग्रामको यो फ्यामिली प्याकको मूल्य १०० रुपैयाँ राखिएको छ । जसले यसलाई बजारको सबैभन्दा सुलभ प्रिमियम वेफर बनाएको छ । वाफी विशेष गरी प्रिमियम स्न्याक मन पराउने बालबालिकाका लागि बनाइएको बताइएको छ ।

साथै, सपिङ मल तथा कनभिनियन्स स्टोरमा स्वादिलो स्न्याक खोज्ने गृहिणीहरू र अनलाइन तथा ई–कमर्समार्फत नियमितरूपमा स्न्याक अर्डर गर्ने उपभोक्तालाई पनि लक्षित गरिएको छ ।

१२ महिनासम्म ताजा र क्रिस्पी रहने बनावट, तीन तहको मेटालिक प्याकेजिङ र ‘सेफ्टी ट्रे’ले सुगन्ध र क्रिस्पीपनलाई अन्तिम बाइटसम्म सुरक्षित राख्ने बताइएको छ ।

वाफी फ्याम्ली प्याक नेपालभरि भाटभटेनी सुपरमार्केट, बिगमार्ट, केकेमार्ट, सेल्सबेरीलगायत ठाउँमा उपलब्ध छन् । साथै, दराज, गिफ्ट्मान्डु डट्कम, स्मार्टडोको डट्कम, यार्शाबजार डट्कम, बिजबजार डट्कम र डिलआयो डट्कमजस्ता प्रमुख ई–कमर्स प्लेटफर्ममार्फत पनि खरिद गर्न सकिनेछ ।