निगमले भदौ २० देखि दमाममा नियमित उडान गर्ने, टिकट बुकिङ खुला

अर्थ व्यवसाय

निगमले भदौ २० देखि दमाममा नियमित उडान गर्ने, टिकट बुकिङ खुला

शनिबार, भदौ २, २०८०

निगमले भदौ २० देखि दमाममा नियमित उडान गर्ने, टिकट बुकिङ खुला

काठमाडौं । नेपाल वायुसेवा निगमले यही भदौ २० गतेदेखि काठमाडौंबाट साउदी अरेबियाको दमाममा नियमित सिधा उडान गर्ने भएको छ । त्यसका लागि शनिबारदेखि टिकट बुकिङ खुला गरिएको निगमका प्रवक्ता रमेश पौडेलले जानकारी दिए ।

तत्कालका लागि काठमाडौं–दमाम–काठमाडौं हप्ताको दुई दिन बुधबार र शनिबार उडान गरिनेछ । उडान संख्या बढाउँदै लैजाने योजना रहेको उनले बताए ।

“यात्रुहरूले निगमको कार्यालय वा निगमको वेबसाइट www.nepalairlines.com.np मा लग अन गरी अनलाइनबाट वा नजिकको ट्राभल एजेन्सीबाट टिकट लिई सहज रूपमा यात्रा गर्न सक्नुहुनेछ । यसबाट यात्रुहरूलाई थप सुविधा पुग्ने निगमले विश्वास लिएको छ,” प्रवक्ता पौडेलले शनिबार जारी गरेको विज्ञप्तिमा उल्लेख छ ।