मधेस प्रदेशसभा : संसदीय छानबिन समितिले बुझायो प्रतिवेदन

राजनीति

मधेस प्रदेशसभा : संसदीय छानबिन समितिले बुझायो प्रतिवेदन

सोमबार, असार १०, २०८१

मधेस प्रदेशसभा : संसदीय छानबिन समितिले बुझायो प्रतिवेदन

जनकपुरधाम । लोकतान्त्रिक समाजवादी पार्टी (लोसपा) संसदीय दलका उपनेता उपेन्द्र महतोको नेतृत्वमा गठित संसदीय छानबिन समितिले मधेस प्रदेशका सभामुख रामचन्द्र मण्डललाई प्रतिवेदन बुझाएको छ ।

मधेस प्रदेश सरकारको आर्थिक वर्ष २०७९/८० को बजेटमा भएको रकमान्तरको विषयमा छानबिन गर्न गठित विशेष संसदीय छानबिन समितिले साेमबार प्रतिवेदन बुझाएको हो ।

एमालेको मागअनुसार वि.सं. २०८० असार २६ मा सरोजकुमार यादव नेतृत्वको मधेस प्रदेश सरकारले अर्थमन्त्रालयमा ठूलो मात्रामा अनियमित रकमान्तर गरेको विषयमा प्रदेशसभाले समिति गठन गरेको थियो ।

उक्त समितिमा मधेस प्रदेशसभामा प्रतिनिधित्व गर्ने १० वटा दलका एक–एकजना सांसद छन् । समितिलाई दुई महिनाभित्र छानबिन गरी प्रतिवेदन बुझाउने समयावधि दिएको थियो । रासस