बंगलादेशको घटनाबारे के भन्यो चीनले ?

विदेश

बंगलादेशको घटनाबारे के भन्यो चीनले ?

बिहीबार, साउन २४, २०८१

बेइजिङ । चीनले बंगलादेशमा चाँडै शान्ति बहाल हुने अपेक्षा गरेको छ । बंगलादेशमा पछिल्लो घटनाक्रमका बारेमा चीनले प्रतिक्रिया जनाएको हो ।

चीनको विदेश मन्त्रालयका प्रवक्ताले भनेका छन्, “बंगलादेशको घटनाक्रमबारे चीनले नजिकबाट नजर लगाइरहेको छ । बंगलादेश छिमेकी मित्र र रणनीतिक सहयोगी भएको नाताले चीनको अपेक्षा छ कि त्यहाँ चाँडै शान्ति स्थापना हुनेछ ।”

चीनको सरकारी मुखपत्र ग्लोबल टाइम्सले एउटा आलेखमा बंगलादेशको आन्दोलन राजनीतिक रूपले मात्र प्रेरित नभई मजबुत आर्थिक कारण पनि रहेको जनाएको छ ।

पूर्वप्रधानमन्त्री शेख हसिना वाजेदले छिमेकी चीन र भारत दुवैसँग सन्तुलित व्यवहार गर्दै आएकी थिइन् । उनी विद्यार्थी आन्दोलनको अप्ठ्यारो अवस्थामा गएको सोमबार राजीनामा दिएर भारत प्रस्थान गरेकी थिइन् । बीबीसी हिन्दीबाट ।