काठमाडौं । प्रतिनिधिसभाका सभामुख देवराज घिमिरेले निर्माणाधीन नयाँ संसद् भवन निर्माणको गति बढाउन निर्देशन दिएका छन् ।
बिहीबार सिंदरबारमा निर्माणाधीन नयाँ संसद् भवनको स्थलगत निरीक्षण गर्दै सभामुख घिमिरेले भने, "निर्माणको गति निकै सुस्त भएको छ । यसले थप भार पर्न जाने हुँदा निर्माणको गति बढाउनुपर्ने हुन्छ ।"
निरीक्षणका क्रममा निर्माण पक्षले नयाँ संसद् भवनको ६३ प्रतिशत काम सकिएको जानकारी गराएको थियो ।
सभामुख घिमिरेले लक्ष्यअनुसार निर्माणको काम हुन नसकेको भन्दै निर्माणको गति वृद्धि गर्न, त्रुटिरहित काम गर्न निर्देशन दिए । उनले संसद् भवन निर्माणका क्रममा केही समस्या देखिए संसद् सचिवालय र आफूले समन्वयकारी भूमिका निर्वाह गर्ने प्रतिवद्धता जनाए ।
उनले आफूले संसद् भवन निर्माणको कामलाई कार्ययोजनाकै रूपमा फलोअप गर्ने बताए ।
सिंहदरबारस्थित पुतलीबगैंचा वरपरको १५१ रोपनी जग्गामा आठ वटा मुख्य भवनसहित १२ वटा अत्याधुनिक संसद् भवन निर्माण भइरहेको छ ।
-1749010126.jpg)
