वाग्मती । मदन भण्डारी लोकमार्गअन्तर्गत मकवानपुरको वाग्मती गाउँपालिका–४ हरामिटोलस्थित सडकमा आज साँझ स्कुटरको ठक्करबाट एक महिलाको मृत्यु भएको छ ।
हेटौँडाबाट सिन्धुलीतर्फ जाँदै गरेको बा.प्र. ०३–००४ प ७२७६ नम्बरको स्कुटरको ठक्करबाट मकवानपुरको वाग्मती गाउँपालिका–४ की ४८ वर्षीया गंगा पहरीको मृत्यु भएको हो । सोही स्कुटरको ठक्करबाट पाँच वर्षीय अनुप पहरी घाइते भएका छन् ।
ठक्करबाट गम्भीर घाइते गंगालाई हेटौँडास्थित चुरेहिल अस्पताल भर्ना गरिएकामा उपचारकै क्रममा मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक श्यामु अर्यालले जानकारी दिए । घाइते अनुपको सोही अस्पतालमा उपचार भइरहेको छ ।
स्कुटर चालक हेटौँडा उपमहानगरपालिका–६ चौघडाका २६ वर्षीय अनुपकुमार क्षेत्रीलाई नियन्त्रणमा लिएर अनुसन्धान थालेको प्रहरी नायब उपरीक्षक अर्यालले बताए । रासस
-1749010126.jpg)
