सर्वोच्चका प्रस्तावित न्यायाधीशको सुनुवाइ सकियो

राजनीति

सर्वोच्चका प्रस्तावित न्यायाधीशको सुनुवाइ सकियो

सोमबार, असार १६, २०८२

सर्वोच्चका प्रस्तावित न्यायाधीशको सुनुवाइ सकियो

काठमाडौं । संसदीय सुनुवाइ समितिले सर्वोच्च अदालतका प्रस्तावित न्यायाधीश शान्तिसिंह थापा र न्यायपरिषद् सदस्यमा सिफारिस महेशकुमार नेपालको संसदीय सुनुवाइ गरेको छ । सिंहदरबारमा सोमबार बसेको समितिको बैठकले दुई जनाको संसदीय सुनुवाइ गरेको हो ।

आइतबार समितिले सर्वोच्च अदालतका प्रस्तावित न्यायाधीश मेघराज पोखरेल र श्रीकान्त पौडेलको संसदीय सुनुवाइ गरेको थियो ।

प्रस्तावित सबैको सुनुवाइ भए पनि समितिबाट अनुमोदन गर्ने वा नगर्ने भन्ने विषयमा भने सोमबार निर्णय हुन सकेन ।

समिति सभापति ईश्वरीदेवी न्यौपानले प्रस्तावित व्यक्तिमाथिको छलफल बाँकी रहेको र समिति सदस्यहरूको कार्यव्यस्ताका कारण अर्को बैठकबाट निर्णय लिइने जानकारी दिइन् ।

हिमालयन न्युज एजेन्सीबाट ।