काठमाडौं । चलचित्र ‘फेरि रेशम फिलिली’को टिजर सार्वजनिक गरिएको छ । टिजरमा अमेरिका जान एक युवाले गर्ने संघर्ष छ । 

टिजरले युवा पुस्तामा रहेको अमेरिका मोह, सन्तान अमेरिका नउड्दै उसको परिवारले समाजमा देखाउने रवाफ, प्रेम र बदलाको कथा समेटेको छ । 

फागुन १४ गतेबाट रिलिज हुने चलचित्रमा विनय श्रेष्ठ, सुपुष्पा भट्ट, कामेश्वर चौरासिया, नीर शाह, प्रकाश घिमिरे, शिशिर वाङ्गदेल, रवीन्द्र झा, लक्ष्मी गिरी, महेश त्रिपाठीलगायतको अभिनय छ ।

सिनेमालाई निरोज महर्जनले निर्देशन गरेका छन् । कथा पनि उनले नै लेखेका हुन् ।

सुसन प्रजापतिको छायांकन, निर्देशक महर्जन र आकाश बरालको पटकथा, नरेश किङ्ग योगीको द्वन्द्व निर्देशन तथा कालीप्रसाद बाँस्कोटा, एसडी योगी, हर्क साउद, जयन जे वाइवा र दीपक शर्माको संगीत छ । सुरेन्द्र पौडेलले चलचित्रको सम्पादन गरेका छन् ।

सिनेमा आर्ट र वि मोसन पिक्चर्सको सहकार्यमा निर्माण भएको चलचित्रमा रौनक विक्रम कडेल निर्माता तथा कार्यकारी निर्माता सुरज बम ठकुरी छन् । सह–निर्मातामा एनि थापा छन् ।